गोविन्द राम ब्यूरो रायपुर 

-धरसीवा छत्तीसगढ़िया क्रान्ति सेना रायपुर पुलुस के साथ मिलकर देवपुरी में संचालित चैन मार्केटिंग कंपनी में बंधक 80 ले ज़्यादा छत्तीसगढ़िया लइका मन ल मुक्त कराके परिवार के पास भेजिस । 

राजधानी में चार जगह देवपुरी , मोवा, भाठागांव एवं डूमरतराई में फर्जी कंपनी खोलकर 20-22 साल के छत्तीसगढ़िया लइका मन ल उत्तराखंड, मध्यप्रदेश , हरियाणा एवं उत्तरप्रदेश के ठग मन रोजगार देके के बहाना गुमराह करके रखे रहिस । 

देवपुरी एवं टाड़ा गांव के कुछ नोनी मन छत्तीसगढ़िया क्रान्ति सेना ले संपर्क करके सारा मामला बताइस । संगठन तत्काल रायपुर के सीनियर पुलिस अधीक्षक लाल उम्मेद सिंह ल जानकारी दिन फेर क्राइम ब्रांच के साथ मिलकर रेड के कार्यवाही संगठन अंजाम दिन । 

कंपनी के 8  ट्रेनर कर्मचारी गिरफ्तार करे गिस हे ग्वालियर के मुख्य डायरेक्टर तोमर फरार हे । संबंधित कंपनी 80 ले ज़्यादा बच्चा मन ल बिज़नेस के झासा देकर 50 हज़ार से 1 लाख रुपया तक राशि ट्रांसफर भी करवाये हे । पैसा के व्यवस्था परिजन से नई करके दोस्त, रिस्तेदार बॉयफ्रेंड आदि से करे बर कहे जाए साथ ही मोबाइल के स्टेटस में पिज़्ज़ा बर्गर टाइप महंगा खाना के स्टेटस रखें बर बोले ताकि घर वाले मन ल अच्छा से रहना अच्छा से खाना दिखाए जा सके । 

देवारी तिहार में घर मत जाओ विदेश में बिज़नेस टूर ले जाएँगे करके नाइजीरिया कांगो आदि देश ले जाए के पूरा तैयारी रहिस । 

संगठन के द्वारा मानव तस्करी के अंदेशा हे प्रशासन सख्ती से जाँच कार्यवाही करे ।